Etiraf etməliyik ki, Sumqayıt hadisələrinə həqiqi qiymətin verilməsi baxımından hələ də kifayət qədər işlər görə bilməmişik. Amma son zamanlar bu məsələrdə bir irəliləyiş, tərpəniş sezilir. Aydın məsələdir ki, Qarabağ probleminin həlli istiqamətində, Xocalı soyqırımına dünyada doğru-dürüst qiymət verilməsi baxımından Sumqayıt hadisələri qarşıda dayanan bir növ düyün, maneə rolunu oynayır. 
Sumqayıt TV həmin hadisələrin şahidi olan bir neçə şəhər sakini ilə görüşərək onlardan kiçik müsahibələr hazırlayıb. Öncə başlayaq 1988-ci ildə Sumqayıt şəhər Milis İdarəsinin Partiya Komitəsinin katibi, milis mayoru Hüseynağa Xancanovun söylədiklərindən.