Ötən gecə Müşfiqabad qəsəbəsindən Sumqayıt şəhərinin Hacı Zeynalabdin qəsəbəsinə gedən avtoqəza qeydə alınıb.
Hadisə zamanı iki avtomobil – "Kamaz” markalı yük maşını ilə "Opel” markalı minik maşını toqquşub.

Müəyyən edilib ki, Habil İsmayılovun idarə etdiyi yük maşını ilə Məzahir Cəfərovun idarə etdiyi "Opel” markalı avtomobil qarşı-qarşıya hərəkət edirmiş.

Toqquşma güclü olduğundan "Opel” markalı avtomobil ciddi deformasiyaya uğrayıb. Əraziyə FHN Sumqayıt Regional mərkəzinin xilasedicileri cəlb olunub. Onun sürücüsü 33 yaşlı Məzahir Cəfərov aldığı xəsarətlərdən elə hadisə yerində dünyasını dəyişib, Cəfərovun sərnişini 31 yaşlı Elşad İmanov isə təcili tibbi yardım maşını ilə ağır vəziyyətdə xəstəxanaya çatdırılıb.

Hadisə yerində Abşeron rayon polis idarəsinin istintaqçıları və dövlət yol polis şöbəsinin müfəttişləri olub. Yük maşınının sürücüsü Habil İsmayılovun ifadəsinin alınması üçün polis orqanına aparılıb.

İlkin ehtimala görə yolqəzasına, "Opel” markalı minik maşınının yüksək sürətlə hərəkət etməsi səbəb olub.

Faktlaəlaqədar cinayət işi başlanıb. Avtoqəzanın dəqiq səbəbi təyin olunacaq avtotexniki ekspertizanın rəyindən sonra bilinəcək.(anspress)