Xəbər verdiyimiz kimi, bu gün səhər saatlarında 2 saylı Sumqayıt Şəhər Xəstəxanasında intihar hadisəsi baş verib.
Sumqayıt
şəhər Səhiyyə şöbəsinin məsul əməkdaşı
Xalidə Quliyeva hadisənin təfərrüatları barədə Xeberle.com-a
bunları bildirib:
"İntihar edən xəstə 1950-ci
il təvəllüdlü Sumqayıt şəhər sakini Səfərova
Səyyarə Əmrah qızıdır. Xəstə şəkərli diabet xəstəliyindən əziyyət çəkirdi. Həmçinin ağciyər və böyrəklərində problemlər var idi. Xəstənin vəziyyəti
aprelin 19-da pisləşib və dərhal o 2 saylı Sumqayıt şəhər xəstəxanasının reanimasiya şöbəsinə yerləşdirilib.
Aprelin
20-də isə vəziyyəti yaxşılaşmağa doğru gedib və xəstə palataya yerləşdirilib. Bu gün səhər saatlarında tibb bacısı yeməkdən öncə insulin iynəsi vurmaq üçün otağa daxil olub, xəstə xahiş edib ki, bir azdan gələrsiniz, indi əynimi geyinməliyəm. Tibb bacısı bir müddət sonra qayıdanda palatada onun olmadığını görüb. Məlum olub ki, həmin şəxs özünü binadan aşağı atıb. "
X. Quliyeva xəstənin psixoloji durumunun
qaydasında olduğunu vurğulayıb, amma ailəsi ilə müəyyən problemlərin olduğunu da
qeyd edib: "Xəstənin 4 övladı var. Məlumata görə ona ancaq qızı baş çəkirmiş. Digər
övladları isə analarının xəstəliyinə biganə yanaşırmış."
Qeyd edək ki, hadisə ilə bağlı hüquq-mühafizə orqanları məlumatlandırılıb.
Hadisənin intihar və ya ehtiyyatsızlıq üzündən baş verməsi aparılan araşdırmalardan sonra məlum olacaq.
Xeberle.com
Xəbərdən istifadə edərkən istinad etmək vacibdir.
