Xəbər verdiyimiz kimi, Sumqayıtda gənc oğlanla qızın meyiti tapılıb. Hadisə iyulun 22-dən 23-nə keçən gecə, şəhərin  3-cü məhəlləsində   həyətlərdən birinin qarajında qeydə alınıb.

Xeberle.com hadisə ilə bağlı ətraflı təfərrüatlar əldə edib.
Belə ki,  1995-ci il  təvəlldüdlü Əliyev Kənan Seyfəddin oğlu həmin məhəllənin  4/12  saylı binasında mənzil 2-də, 1997-ci il təvəllüdlü Sevinc Mütəllimova  23/a5 mənzil 46-da yaşayırdı.
K. Əliyev Ukraynada universitetlərin birində ali təhsil alaraq bu yaxınlarda Sumqayıta qayıdıb. Qız isə Azərbaycan Kooperasiya Universitetinin II kursunda təhsil  alırdı.
Bu iki gənc demək olar ki, məktəb illərindən bir-birilərini seviblər. Üzbəüz  binalarda yaşayırdılar, amma valideynləri onların bir yerdə olmalarına narazı idilər. Bu narazıçılığa baxmayaraq gizlin görüşərdilər. Çox ağıllı gənclər olsalar da  həmin gecə ağılsızlıq ediblər. Oğlan universiteti bitirdiyi üçün hərbi xidmətə getməli idi. Rayona gedərək qohumlarla görüşüb və qayıdanda qızla görüşmək istəyib. Amma valideynləri qızı nəzarətdə saxladıqları üçün görüş alınmayıb.
Oğlan hərbi xidməti bitirib geri qayıdanda  qızın valideynlərinin onu başqasına verəcəklərini düşünür. Elə bu səbəbdən qərara gəlir ki, qızı qaçırsın.
Həmin gün Kənan Sevinci qaçıraraq evə gətirmək istəyib. Amma oğlanın ailəsi buna qarşı çıxaraq, Kənana qızı öz evlərinə qaytarmağı tapşırıb. Ailə qızı qəbul etmədiyinə görə cütlük sığınacaq kimi qarajdakı maşını seçib.

 

 

Xəbərdən istifadə edərkən istinad etmək vacibdir.