"Masallı rayonun Ərkivan qəsəbə sakini Habil Rəhimov Kərbəlada ailəsi ilə olarkən 60 dərəcə istidə 5 yaşlı qızı Zəhra günvurmadan (bəzi məlumatlara görə zəhərlənmədən) dünyasını dəyişmiş və orada da dəfn edilmişdir.

Xatırladaq ki, Rəhimov Habil İltizam oğlu Suriyada dini təhsil alırdı. Suriyadakı məlum hadisələrdən sonra o, təhsilini Nəcəf şəhərində davam etdirməli olub. Bu səfərdə də məqsəd Habilin dövlət imtahanı verməsi ilə bağlı olub. Rəhmətə gedən Zəhra adlı qız onun 3 uşağından biri-ortancılı idi. Valideynlərinin verdiyi məlumata görə, onun daha bir uşağı orada ağır xəstələnib. Bir həftə əvvəl isə bu ailəyə daha bir ağır itki üz vermişdi. Habilin Ərkivanda yaşayan bacısı qızı qəfil xəstəlikdən 22 yaşında dünyasını dəyişmişdi. Allah rəhmət eləsin!"