Bu gün Sumqayıt şəhərində yaşayış binasında qəza baş verib. 17-ci məhəllə, ev 6/37 saylı binanın dam örtüyünün kənar hissəsinin bir tərəfi uçub. Beton örtüyü yerindən çıxaraq binanın 1-ci mərtəbəsində quraşdırılan kondisionerin üzərinə düşüb. Uçqun nəticəsində kondisioner yararsiz hala düşüb, binanın fasadının bir hissəsi isə dağılıb. Xoşbəxtlikdən xəsarət alan olmayıb. Bina sakinləri Xeberle.com-a bildiriblər ki, artiq bir müddətdir təhlükəli vəziyyət hökm sürür. "Bununla bağlı FHN-ə və digər qurumlara müraciət edilib. Uşaqlarımızı həyətə belə buraxmağa qorxuruq. Çox təhlükəli vəziyyətdir. Yenidən belə halın təkrarlanması bədbəxt hadisə - faciə ilə nəticələnə bilər. Bizim bina artıq istismar müddətini keçib. Aidiyyəti qurumlardan təcili tədbirlər görülməsini xahiş edirik'', - deyə sakinlər portalımıza şikayətləniblər.

Qeyd edək ki, sözügedən bina II Dünya müharibəsindən sonra- 50-ci illərdə alman əsirləri tərəfindən tikilib və taxta finski evlərdir.