Yağışlı havada 11 ailə evsiz qalıb. Sumqayıt şəhər Hacı Zeynalabdin Tağıyev qəsəbəsində məcburi köçkünlərin məskunlaşdığı müvəqqəti yaşayış obyektində yanğın baş verib. Anidən başlayan yanğın bir anda bütün binanı ağuşuna alıb. Nəticədə bir birinə bitişik olan barak tipli evlər yanıb.
Dərhal ətrafdakı sakinlər Fövqəladə Hallar Nazirliyinin 112 qaynar xidmətinə zəng edərək məlumat verib. Hadisə yerinə Sumqayıt şəhər yanğın söndürən briqadaları cəlb olunub.
Yanğınsöndürənlər çətinliklə də olsa alovu ram etsələr də amma bina tamamilə yarasız hala düşüb.
Sumqayıt şəhər Fövqaladə Hallar Nazirliyinin yanğın söndürmə bölməsindən veriən məlumata görə hadisə ilkin ehtimala görə qısa qapanmadan baş verib.
Hadisə yerinə Qaçqın və məcburi köşkünlərlə iş üzrə dövlət komitəsinini Sumqayıt şəhər şöbəsindən də baxış keçirilib.
Xəbərdən istifadə edərkən istinad etmək vacibdir.
