Bu gün səhər saatlarında Sumqayıt-Bakı yolunda yol qəzası baş verib. Belə ki, Bakı istiqamətinə doğru hərəkət edən "Opel Vectra" markalı avtomobilin sürücüsü idarəetməni itirərək nəqliyyat vasitəsini dəmir arakəsməyə çırpıb. Saray postu yaxınlığında  baş verən qəzada avtomobilə ciddi ziyan dəysə də,xoşbəxtlikdən xəsarət alan olmayıb.

Qeyd edək ki, həmin avtomobildə Azvision.az saytının əməkdaşı, sumqayıtlı jurnalist Anar Kəlbiyev də olub. A.Kəlbiyev olduğu avtomobilin qəza keçirməsi ilə bağlı Facebook profilində foto da paylaşıb. O, Xeberle.com-a qəza nəticəsində heç bir xəsarət almadığını bildirib və hadisənin baş vermə səbəbini  belə izah edib: "Olduğum avtomobil öz yolu ilə gedirdi. Yolda şütüyən digər avtomibl çaşdırıcı hərəkətlər etdi. Mənim olduğun avtomobilin sürücüsünü çaşdırdı. Anidən əyləci basdı. Hava yağışlı olduğundan maşın sürüşərək dəmir arakəsməyə dəydi.  Şükür Allaha ki, qəzanı xətərsiz ötüşdürdük."