Sumqayıtda uşaqlar arasında ilk xəstələnmə halları ilə bağlı Səhiyyə Nazirliyində yaradılan operativ qərərgaha və xəstəxanaya müraciət edənlərin sayı 136-ya çatıb. Amma bu gün üçün müalicəsini davam etdirənlər 136-nın ¼-i qalıb.
Xeberle.com azVision.az-a istinadən xəbər verir ki, bunu jurnalistlərə açıqlamasında ölkənin baş pediatrı Nəsib Quliyev deyib.
Onun sözlərinə görə, bu infeksiya ürək bulanma, qusma, hərarətin yüksəlməsi ilə müşahidə edilir: "Uşaqlar xəstəxanaya daxil olandan Səhiyyə Nazirliyi tərəfindən nəzarətə götürülüb, dərmanla təhcizat təmin edilib. Bu günə qədər orada ağırlaşma müşahidə edilməyib. Rotavirusların çirkli sularda yayılmasını nəzərə alaraq çiy su ilə yoluxması ehtimal olunur".
Gigiyena və Epidemiologiya Mərkəzinin direktoru İmran Abdullayev bildirib ki, hadisə ilə bağlı müvafiq tədbirlər aparılır. "Xəstəxanaya müraciət edən andan bütün xəstələr qeydiyyata götürülüb. Sorğular aparılıb. Məlumatlar toplanılıb və uşaqların çiy su içdikləri haqda məlumat verdilər. İnfeksiyanın yoluxması 100 faiz sudan olub”.
Xəbərdən istifadə edərkən istinad etmək vacibdir.
