Sumqayıt şəhərində 76-cı məhəllədə
kanalizasiya quyusuna düşən şəxsi xilas edərkən zəhərlənən Fövqəladə Hallar
Nazirliyinin (FHN) işçilərinin vəziyyətlərindən xəbər var.
Xeberle.com-unməlumatına görə, zəhərlənənlər Natiq Məmmədov, Zahir Bağırov, və
Ayaz Əliyev artıq Klinik Tibbi Mərkəzdən evə buraxılıblar.
Xəstəxanaya ağır vəziyyətdə daxil olan
xilasedici 1988-ci il təvəllüdlü Namiq Əhmədovun səhhəti isə yaxşılığa doğru gedir. N. Əhmədov artıq ayılıb və vəziyyətində ciddi irəliləyiş hiss olunur.
Xatırladaq ki, iyunun 17-də Fövqəladə Hallar
Nazirliyi(FHN) Sumqayıt Regional Mərkəzinin bir əməkdaşı kanalizasiya quyusuna
düşən şəxsi xilas edərkən qazdan boğularaq dünyasını dəyişib. Eyni zamanda
mülki vətəndaş da qazdan boğularaq ölüb.
Xəbərdən istifadə edərkən istinad etmək vacibdir.
