Xeberle.com-un məlumatına görə, hadisə şəhərin 1-ci mikrorayon, Nərimanov küçəsi, bina 45 /19-un 3-cü blokunda qeydə alınıb. Sakinlərin sözlərinə görə, gecə saatlarında binada qəflətən işıqlar sönüb və yanğın baş verib. Binada 9 sayğac yanaraq sıradan çıxıb. Sakinlər iddia edirlər ki, sayğaclar qəsdən yandırılıb. Onların sözlərinə görə, yanğın baş verən yerdə yanmış parça qalıqları tapılıb. Yanğın baş verən binaya baxış keçirilib və yeni sayğaclar quraşdırılaraq mənzillərə elektrik enerjisinin verilişi bərpa edilib.

 

Xatırladaq ki, bu sözügedən binada ilk belə hadisə deyil. Bu ilin yanvar ayında da binada 30 sayğac yandırılmışdı.

 

Faktla bağlı araşdırmalar aparılır.