Yataqxanada növbəti dəfə yanğın baş verdi
Xeberle.com-un məlumatına görə, bu gün axşam saatlarında Sumqayıt Dövlət Universitetinin 43-cü məhəllədə məcburi köçkünlər məskunlaşan yataqxanasında növbəti dəfə yanğın baş verib.
Yanğın yataqxananın birinci mərtəbəsində sanitar qovşağında qeydə alınıb. Orada olan elektrik xəttində qısa qapanma baş verib və naqillər alışıb. Hadisə nəticəsində 5 paqonometr kabel və 5 kvadratmetr sahədə tavanda lambrin əriyib.
Yanğın ərazidə növbə çəkən yanğınsöndürənlər tərəfindən söndürülüb və digər ərazilərə keçməsinin qarşısı alınıb. Xəsarət alan olmayıb.
Xatırladaq ki,sözügedən yataqxanada avqustun 5-də güclü yanğın baş vermiş və 3-cü mərtəbədə olan mənzillər yararsız hala düşmüşdü.
Xəbərdən istifadə edərkən istinad etmək vacibdir.
