Sumqayıtda
minik avtomobilinin şüşəsi sındırılaraq qarət olunub.
Xeberle.com-unməlumatına görə, hadisə şəhərin Heydər Əliyev prospektində, 2-ci mikrorayon ərazisində
baş verib. Urman Səfərova məxsus "Hunday" markalı 99 HJ 069 dövlət
nömrə nişanlı avtomobildən bir qadın çantası, şəxsi sənədlər, qızıl , eləcə də
digər əşyalar oğurlanıb.
Mülk
sahibi bildirib ki, avtomobilini həyətdə saxladıqdan sonra evə çıxıb. Elə hər
şey də bundan sonra baş verib. Bir neçə saat sonra qayıtdıqda maşının ön sağ
şüşəsinin sındırıldığının şahidi olub. Dərhal avtomobilə baxış keçirib və hadisənin
oğurluq məqsədi ilə törədildiyi məlum olub.
Hadisənin
baş vermə anı yaxınlıqda olan aptekin təhlükəsizlik kamerasına da düşüb.
Fakt
araşdırılır.
Elnarə
Salamova
Xeberle.com
Xəbərdən istifadə edərkən istinad etmək vacibdir.
