Xəzər Universitetinin Bəşir Səfəroğlu kampusunda faciəli hadisə baş verib.
Bu barədə sosial şəbəkədə məlumat yayılıb. Universitet tələbələrindən biri qeyd edib ki, ali məktəbdə pilləkənin məhəccərinin mərməri qoparaq tələbələrin başına düşüb. Hadisə nəticəsində tələbələrdən birinin əli əzilib, digərinin isə başı yarılıb.
Xəzər Universitetinin İctimai əlaqələr və media üzrə direktoru Əlövsət Əmirbəyli isə Axar.az-a açıqlamasında olayı təkzib edib və heç bir bədbəxt hadisənin baş vermədiyini deyib.
”Tələbələr bir-birilə zarafat edərkən mərmər məhəccər qırılıb yerə düşüb. Xoşbəxtlikdən heç bir tələbə xəsarət almayıb. Sadəcə uşaqlar qorxuduqlarından hadisəni şişirdiblər”, - Ə.Əmirli bildirib.
Qeyd edək ki, tələbələr foto da paylaşıblar.

Xəbərdən istifadə edərkən istinad etmək vacibdir.