Quba rayonunda dağlıq ərazidə itkin düşən alpinistlərin axtarışı davam etdirilir.
Xeberle.com xəbər verir ki, bu barədə Fövqəladə Hallar Nazirliyindən məlumat yayılıb. Verilən məlumata görə, axtarış-xilasetmə əməliyyatları Tufandağ istiqamətində gedir.
"Gün ərzində alpinistlərin itkin düşdüyü ehtimal olunan ərazilər üzrə axtarış işləri aparılıb, həmçinin onların olduğu güman edilən digər ərazilərdə yoxlamalar davam etdirilib. Axtarış-xilasetmə işləri mürəkkəb reylefli yüksək dağ massivində, dəniz səviyyəsindən 3217 metr yüksəklikdə aparılır”, - deyə məlumatda bildirilib
Qeyd edək ki, Quba rayonunun Xınalıq kəndindən dekabrın 23-də Tufandağı istiqamətində yürüşə çıxıb və onlarla əlaqə kəsilib. Dekabrın 26-da qayıtmalı olan alpinistlərdən heç bir məlumat almaq mümkün olmayıb. FHN həmin şəxslərin axtarışına başlayıb. Əraziyə helikopter göndərilib.
Xəbərdən istifadə edərkən istinad etmək vacibdir.
