Afrində gedən "Zeytin Dalı" hərakatında terroristlərlə atışma zamanı şəhid olan baş çavuş Musa Özalkan son mənzilinə yola salınıb. Dəfndə iştirak edən Ərdoğan "Şəhidimizin vəsiyyətini yerinə yetirəcəyik" - deyib.
Xeberle.com-un Türkiyə KİV-nə istinadən verdiyi məlumata görə, cənazə namazından sonra danışan prezident bu sözləri söyləyib:
"Şəhidimiz Musa Özalkan, Afrin əməliyyatında ilk şəhidimiz. Musa övladımız indi bizə qulaq asır. Əsgərlərimiz bu qarda, qışda böyük bir mücadilə sürdürürlər. Kimlərə qarşı? Terroristlərə qarşı. Bu əməlliyat tamamilə terror təşkilatlarına qarşıdır. Qələbə qazanmağımıza isə inamımız tamdır. Görəsən onlar, bunlar nə deyib, dünyada bu ölkə, o ölkə necə baxın? Buna baxacaq halımız yoxdur. Bu mövzuda qərar millətindir. Bu millət öz göbəyini özü kəsəcək".
Şəhidin duyğulandıran vəsiyyəti:
Şəhid dövlətin ailəsinə verəcəyi pulun Telaferdəki Türkmən uşaqlarına məktəb tikilməsində və adının o məktəbə qoyulmasını vəsiyyət edib.
Hicranə İsmayılova
Xəbərdən istifadə edərkən istinad etmək vacibdir.
