Ötən gün Ankarada vergi müfəttişliyinin binasında baş verən partlayışa bomba səbəb olub.
NTV telekanalının verdiyi xəbərə görə, bu barədə Ankara valiliyinin yaydığı açıqlamada bildirilir.
Məlumata əsasən, partlayıcı qurğunu binaya PYD terror təşkilatı ilə əlaqəli şəxs keçirib. Onun Türkiyə təhlükəsizlik qüvvələri tərəfindən məhv edildiyi bildirilir. Hadisə ilə əlaqədar 8 nəfər saxlanılıb.
Qeyd edək ki, fevralın 1-də Ankarada Çukurambar rayonunda, vergi müfəttişliyinin binasında partlayış baş verib. İnsident nəticəsində 3 nəfər yaralanıb.
Xəbərdən istifadə edərkən istinad etmək vacibdir.
