Hindistanın paytaxtı Dehlidə 52 yaşlı turist qadın vəhşicəsinə zorlanıb. ANS PRESS-in “RİA Novesti” agentliyinə istinadən verdiyi məlumata görə, Hindistana turist kimi gələn qadın otelə gedən yolu itirir. O, yolda bir qrup kişiyə yaxınlaşaraq hansı istiqamətə getməli olduğunu soruşur. Kişilər qadını aldadaraq kimsəsiz bir yerə aparırlar. Onu kütləvi şəkildə zorlayırlar. Onlar qadını zorladıqdan sonra döyərək əlindəki pulunu və “iPad”ını oğurlayıblar.

Qadın polis idarəsinə gələrək ərizə yazıb. Qadını zorlamaqda günahkar bilinən 15 nəfər saxlanılıb. Onlar məhkəmə qarşısına çıxarılacaq.

Qeyd edək ki, Hindistan xarici turist və o cümlədən yerli qadınlar üçün çox təhlükəli bir yerə çevrilib. Burada istənilən yaşda qadınlar zorlanır. Buna görə dəfələrlə əhali etiraz aksiyalar keçiriblər.