Suriyada daha bir Azərbaycan vətəndaşı öldürülüb.

AzVision.az-ın məlumatına görə. bu barədə mücahidlərə məxsus saytlar məlumat yayıb.

Bəşər Əsədə qarşı döyüşdə öldürülən azərbaycanlı mücahidin fotosu da yayılıb. Ölən şəxsin adının Rüstəm Rəhimahullah olduğu bildirilir.

Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-dən çox azərbaycanlı öldürülüb. Onların bir çoxunun fotosu mücahidlər tərəfindən sosial şəbəkələrdə yayılıb.