Qardaşını xüsusi amansızlıqla öldürməkdə təqsirli bilinən Sumqayıt şəhər sakini, 35 yaşlı Rəşad Seyfəddinovun məhkəməsi başlayıb. Rəşad ötən il oktyabrın 10-da Novxanıda yerləşən bağ evlərindən birində qardaşı, 37 yaşlı Tamerlanı başından çəkiclə vuraraq öldürüb.
Hadisədən əvvəl Tamerlan yaşlı anasını döyüb. Bu zaman Rəşad anasını döyən qardaşına iradını bildirib. Tamerlan özündən iki yaş kiçik qardaşını da döymək istəyib. Qardaşının hərəkətindən əsəbiləşən Rəşad onu öldürmək qərarına gəlib. O, çəkiclə qardaşının başından vurub.
Cinayət işi baxılması üçün Bakı Ağır Cinayətlər Məhkəməsinə göndərilib. Hakim Əlisoltan Osmanovun sədrliyi ilə keçirilən prosesdə cinayət işinin hazırlıq iclasına baxılıb və məhkəmə baxışı fevralın 19-na təyin edilib.
/teleqraf.com/
Xəbərdən istifadə edərkən istinad etmək vacibdir.
