Xalq artisti Ağaxan Abdullayevin ailəsində faciə baş verib. ANS PRESS-in məlumatına görə, görkəmli xanəndənin qardaşının həyat yoldaşı və qardaşı qızı evlərində baş verən yanğında ölüblər.
Xanəndənin ASN PRESS-ə verdiyi məlumata görə, 48 yaşlı İbrahimova Tərəvəz və onun qızı 19 yaşlı Abdullayeva Samirə yanğında tüstüdən boğularaq dünyalarını dəyişiblər. Samirə Abdullayeva Sənaye Pedaqoji Texnikumun 3-cü kurs tələbəsi idi.

Xatırladaq ki, martın 1-də gecə saat 02-radələrində Bakının Xəzər rayonu Türkan qəsəbəsində mənzildə dəhşətli yanğın hadisəsi baş verib. 
Hadisə nəticəsində 4 kvm. sahədə olan əşyalar yanıb. Yanğın söndürüldükdən sonra T.İbrahimova və qızı Samirə Abdullayevanın meyiti aşkarlanıb.

Allah rəhmət eləsin.