Bu gün Bakı şəhərinin Səbail rayonunda baş vermiş dəhşətli intihar hadisəsi ilə bağlı bəzi məqamlar aydınlaşıb. Məlumata görə, özünü 9-cu mərtəbədən ataraq intihar edən 17 yaşlı Zərifə Əsədova bu gün səhər saatlarında evlərində baş vermiş mübahisədən sonra qaçıb. Nəsimi rayonu R.Hüseynov küçəsi 7, mənzil 533 ünvanındakı evdən çıxan gənc qız Səbail rayonu ərazisinə gəlib. Mətbuat prospekti 2 ünvanındakı 9 mərtəbəli binanın damına çıxmaq istəyən qız pilləkəni tapa bilməyib və 9-cu mərtəbənin blokundakı pəncərədən özünü atıb.

Orta məktəb şagirdi olan 17 yaşlı Zərifə Əsədovanın hansı səbəbdən evdən qaçması, nəyə görə Mətbuat prospektindəki binanı seçməsi və digər qaranlıq məqamlar araşdırılır.

Qeyd edək ki, gənc qız intihar etməzdən əvvəl atasına sms yazıb.

*****

15:43 

Bu gün Bakıda dəhşətli intihar hadisəsi baş verib. 

Lent.az-ın məlumatına görə, Mətbuat prospektində yerləşən 9 mərtəbəli binanın 9-cu mərtəbəsindən gənc qız özünü atıb. O, hadisə yerindəcə keçinib.

 İlkin araşdırmalarla ölən qızın 1997-ci ildə anadan olmuş Əsədova Zərifə Mübariz qızı olması müəyyən edilib. Qızın telefonundan son alaraq atasına yazdığı sms aşkarlanıb: “Ata , məni bağışla , mən bilmədim !" .

Hazırda hadisə yerində hüquq-mühafizə orqanları çalışır.