Baş Prokurorluqdan Prezident Administrasiyasının Siyasi təhlil və informasiya təminatı şöbəsinin müdiri vəzifəsindən azad edilən Elnur Aslanovun barəsində cinayət işinin açılması ilə bağlı yayılan xəbərlərə aydınlıq gətirilib.
Baş Prokurorluğun mətbuat xidmətinin rəhbəri Eldar Sultanov ANS PRESS-ə açıqlamasında bu barədə Baş Prokurorluğun mətbuat xidmətində rəsmi informasiyanın olmadığını söyləyib.
Qeyd edək ki, bir qədər əvvəl prezident İlham Əliyevin sərəncamı ilə Elnur Kazım oğlu Aslanov Azərbaycan Respublikası Prezidentinin Administrasiyasının Siyasi təhlil və informasiya təminatı şöbəsinin müdiri vəzifəsindən azad edilib. Mətbuatda yayılan digər xəbərlərdə Elnur Aslanova qarşı cinayət işi açılacağı iddia olunmuşdu.
Xəbərdən istifadə edərkən istinad etmək vacibdir.
