Bu o deməkdir ki, hansısa mənzilə və  ya obyektə icazəsiz daxil olan var.  Çox güman ki, bu soyğunçulardır. Mühafizə polisi dərhal siqnal gələn ünvana yollanır. Cəmi beş dəqiqə ərzində tutucu qrup deyilən ünvana çatır. Məlumat təsdiqini tapır -yaşayış evlərindən birinə soyğunçuluq məqsədi ilə cinayətkarlar daxil olub. Mühafizə polisi onların silahlı olmasından ehtiyat edərək təhlükəsizlik tədbirlərinə tam riayət edir. Daha sonra əməliyyat qrupu hərəkətə keçir. Cinayətkarlardan biri qaçmağa çalışsa da, cəhdi uğursuz olur. Tutucu qrupun əməkdaşları soyğunçunu tərki-silah edərək zərərsizləşdirir. Mühafizə polisinin işi bununla yekunlaşmır - içəridə daha bir soyğunçu var və o təslim olmaq istəmir.  Çevik əməliyyat nəticəsində ikinci cinayətkar da taleyi ilə barışmalı olur. Hər iki soyğunçu bölməyə aparılır, müvəqqəti saxlama kamerasına yerləşdirilir. İlkin dindirilmə zamanı hər iki şəxs törətdikləri əməlin cinayət olduğunu və əvvəlcədən planlaşdırdıqlarını etiraf edirlər.  Bütün bunlar mühafizə polisinin gün ərzində gördüyü işlərin sadəcə bir hissəsidir. Çətin və məsuliyyətli işdə şəxsi heyətə təcrübəli komandirlər kömək edir. Xidmətə çıxmazdan öncə hər gün səhər saatlarında onlara   xüsusi tapşırıqlar verilir, daha sonra təlimata uyğun əraziyə göndərilirlər.  Həyəcan siqnalı  qurğuları əraziyə nəzarəti  asanlaşdırmaqla yanaşı, işin operativliyini təmin edir. Bəs həyəcan siqnalı nə zaman işə düşür, uzaq məsafələrdə yerləşən hansısa yaşayış məntəqəsindən siqnal necə ötürülür? Mühafizə polisinin köməyindən istənilən şəxs istifadə edə bilər. Günün 24 saatı çalışan bu "keşikçilər”in yalnız bir amalı var. İnsanların həyat və təhlükəsizliyini tam təmin etmək.