Suriyada IŞİD qruplaşmasının üzvləri olan 25 nəfər döyüşçü pusquya düşüb. 

ANS PRESS-in məlumatına görə, Suriyada döyüşən mücahidlərə məxsus saytın yaydığı məlumatda pusqu zamanı əksəriyyətini azərbaycanlıların təşkil etdiyi 13 qruplaşma üzvünün həlak olduğu qeyd olunub. Digər qrup üzvlərinin isə sağ qaldığı bildirilir.

Hadisə zamanı Suriyada döyüşən iki türk döyüşçü də həlak olub. Həlak olan türk döyüşçülərinin adlarının İnegöllü Ebu İsmail və Ankaralı Mustafa olduğu qeyd olunub. İnegöllü Ebu İsmail evli olduğu, 2 ay əvvəl Suriyaya getdiyi məlum olub. Həlak olanların "YouTube"da videosu yayılıb. Videoda qruplaşmalar arasında atışmanın baş verdiyindən bəhs edilib.