Bu gün Hərbi Hava Qüvvələrinin zabiti, polkovnik-leytenant Natiq Malıyev yaşadığı evdə özünü asıb.

Hərbi ekspert Üzeyir Cəfərov Hafta.az-a açıqlamasında bildirib ki, polkovnik leytenant bu yaxınlarda müdafiə naziri Zakir Həsənovun əmri ilə vəzifəsindən kənarlaşdırılıb: “Natiq Malıyevin bu yaxınlarda həyata keçirilən həbslər və cinayətlərin axtarışı ilə bağlı heç bir yaxınlığı olmayıb. Onun ölümü başqa məsələlərlə bağlıdır. Polkovnik-leytenant Natiq Malıyev uzun müddət hərbi hava qüvvələrində çalışıb. Zakir Həsənov nazir təyin edildikdən sonra vəzifəsindən uzaqlaşdırılıb. 

Müdafiə nazirin son vaxtlar atdığı addımlar yanlış idi. Onun təcrübəli generalları və zabitləri vəzifəsindən uzaqlaşdırması heç də ürəkaçan deyil. Mən hesab edirəm ki, bu zabitin ölümündə Müdafiə Nazirliyi rəhbərliyinin də günahı var. İşdən çıxarılmağından başqa səbəblər də var. Amma qoy bunu Müdafiə Nazirliyi özü açıqlasın. Dəli deyildir ki, özünü assın. Dəli idisə, orduda saxlamazdılar. Sağlam idisə, deməli, ona qarşı hansısa addımlar atılıb ki, özünü asıb”.