Sumqayıt şəhərində yanğın hadisəsi baş verib.
Xeberle.com-un verdiyi məlumata görə, hadisə gecə saat 4-5 radələrində, 21-ci məhəllə, bina 33/14a ünvanında qeydə alınıb. Belə ki, ikimərtəbəli yaşayış binasının ikinci mərtəbəsində ümumi sahəsi 45 m2 olan 2 otaqlı mənzilin mətbəxinin yanar konstruksiyaları və əşyaları 6 m2 sahədə yanıb. Həmçinin yüksək temperaturdan evin dəhlizinin lambirdən ibarət 10 m2 sahədə tavanı əriyib. Mənzilin qalan hissəsi yanğından mühafizə olunub.
Qeyd edək ki, yanğının qarşısı yanğın bölmələri tərəfindən alınıb.
Elnarə Salamova
Xeberle.com
Xəbərdən istifadə edərkən istinad etmək vacibdir.
