Fövqəladə Hallar Nazirliyi (FHN) Bakıda kafedə partlayış baş verməsi barədə məlumat yayıb.
FHN-dən Xeberle.com-a verilən məlumatda bildirilir ki, Bakı şəhərinin Binəqədi rayonunda ümumi sahəsi 25 kv.metr olan (10 kv.metr hissəsi daşdan, qalan hissəsi taxta konstruksiyalardan ibarət) tikilinin (çayxana kimi fəaliyyət göstərir) içərisində propan qaz balonu partlayıb.
Nəticəd, tikilinin yanar konstruksiyaları yanıb.
Yanğın yerinin kəşfiyyatı zamanı şəxsiyyəti məlum olmayan 2 nəfərin (qadın və kişi) yanmış meyiti yanğınsöndürənlər tərəfindən aşkar edilib.
Daha 2 nəfər (İbrahimov Natiq Zahid oğlu -44 yaş; İbrahimova Şəkər Xosrov qızı -53 yaş) yanğınsöndürənlər hadisə yerinə çatana kimi xəstəxanaya aparılıb.
Hadisə ilə əlaqədar müvafiq qurumlar tərəfindən təhqiqat aparılır.
16:10
Bakıda kafedə partlayış olub, xəsarət alanlar var.
Hadisə Binəqədi rayonunda, "Elite” ticarət mərkəzinin yaxınlığındakı avtomobil ehtiyat hissələrinin satıldığı bazarda yerləşən kafedə qeydə alınıb.
Səhiyyə Nazirliyinin mətbuat xidmətinin mütəxəssisi bildirib ki, hadisə nəticəsində 2 nəfər ölüb: "2 nəfər isə ağır yanıq xəsarətləri ilə təcili yardım tərəfindən Respublika Yanıq Mərkəzinə aparılıb. Vəziyyətləri ağır qiymətləndirilir.(Report)
Xəbərdən istifadə edərkən istinad etmək vacibdir.
