Hadisə şahidlərinin Milli.Az-a verdikləri məlumata görə, saat 06 radələrində Rəşid Behbudov küçəsində "Maserati" markalı avtomobil qəzaya uğrayıb. Daha sonra maşın alovlanıb.

 Nəsimi Rayon Polis İdarəsindən bildirilib ki, həmin avtomobil Rüfət Azad oğlu Abdullayevə məxsusdur. Maşının dövlət nömrə nişanı isə 10 LL 010-dur. 

 Hadisə şahidlərinin verdikləri məlumata görə, "Maserati"nün sükanı arxasında çox gənc sürücü olub. Maşının yandığını görən kimi ondan düşüb, heç söndürməyə cəhd belə etmədən hadisə yerini tərk edib.

 *   *    *11:45

 Bu gecə Bakıda “Maserati” markalı dəbdəbəli avtomobil yanıb.

  Məlumata görə hadisə Bakının Nəsimi rayonunda baş verib, FHN-in yanğınsöndürənləri yaxınlıqdakı avtomobilləri və tikililəri yanğından qoruya biliblər. Lakin “Maserati” özü yanaraq tamamilə yararsız hala düşüb. Yanğın saat 06.28-də söndürülüb. Yanan avtomobilin sahibinin kimliyi və dövlət nömrə nişanı məlum deyil. “Maserati” idman avtomobillərinin qiyməti 250-300 min dollar arasındadır.