Taylandda mağarada itkin düşən futbol komandasını xilasetmə tədbirləri zamanı faciə baş verib.
Xeberle.com BBC-yə istinadən xəbər verir ki, Bir çox ölkələrdən olan xilasetmə qruplarının iştirak etdiyi əməliyyatda sabiq donanma dalğıcı dünyasını dəyişib. Komandaya oksigen daşınması işini öhdəsinə götürmüş 38 yaşlı Saman Qunan həlak olub. O, digər dalğıc tərəfindən quruya çıxarılıb.
Qeyd edək ki, 11-16 yaşlı 12 yeniyetmədən və 25 yaşlı məşqçidən ibarət komanda iyunun sonlarında itkin düşmüş, 9 gün sonra tapılmışdı. Lakin mağarada yağışın yağması səbəbilə yaranan sel onların oradan çıxmasına mane olur. Tayland höküməti qida, oksigen, tibbi yardım ehtiyaclarını ödəməyə və 13 nəfərin xilasına çalışır. Ötən günlərdə uşaqlar və məşqçinin yağışlar dayanana qədər, yəni 4 ay ərzində mağarada qala biləcəyi açıqlanmışdı.
Xəbərdən istifadə edərkən istinad etmək vacibdir.
