Xeberle.com-un verdiyi məlumata görə, Abşeron rayon Polis İdarəsinin əməkdaşları Saray qəsəbəsində xüsusi əməliyyat həyata keçiriblər. Belə ki, daxil olmuş məlumata əsasən, Abşeron rayon Saray qəsəbəsində Şıxəli Qurbanov küçəsi, ev 9 ünvanında yaşayan vətəndaş 52 yaşlı Həsən Hüseynovun həyətində xüsusi aqrotexniki qulluqla becərilən və  narkotik maddə olan çətənə kollarının olduğu müəyyən edilib. Əraziyə baxış keçirilib və 53 ədəd çətənə kolu kötüyündən çıxarılaraq zərərsizləşdirilib.

 

Saxlanılan 52 yaşlı sakin narkotikanı həm şəxsi istifadəsi, həm də satmaq niyyəti ilə becərdiyini etiraf edib.

 

Faktla bağlı araşdırma aparılır.