Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən Aytən Abbasovanın cinayət işi üzrə məhkəmə prosesi başa çatıb.
Xeberle.com Apa-ya istinadla xəbər verir ki, hakim Əfqan Hacıyevin sədrliyi ilə keçirilən prosesdə hökm oxunub.
Hökmə əsasən, A. Abbasova barəsində 1 il sınaq müddəti təyin edilməklə, şərti cəza seçilib.
Məhkəmə hökmü elan edərkən, onun zərərçəkmiş şəxslə barışmasını, hadisəni törədərkən yetkinlik yaşına çatmadığını nəzərə alıb.
Qeyd edək ki, A. Abbasova aralarında yaranan münaqişə zəmnində rəfiqəsi Məryəm Hüseynovanı bıçalayıb. Xəstəxanya çatdırılan şəxsi xilas etmək mümkün olub.
Xəbərdən istifadə edərkən istinad etmək vacibdir.
