Ötən gün Sumqayıt şəhəri 14-cü məhəllədə yerləşən "Bərəkət" marketdə yanğın hadisəsi qeydə alınıb.
Xeberle.com-un məlumatına görə, binanın ikinci mərtəbəsində başlayan yanğın hava küləkli olması səbəbindən daha geniş əraziyə yayılıb və dam örtüyünə keçib. Ətrafda olan yaşayış binalarında təhlükəsizliklə bağlı enerjinin verilişi dayandırılıb. Hadisə yerinə yanğınsöndürənlər cəlb olunub.
Havanın küləkli olması yanğınsöndürənlərin işində çətinlik yaratsa da, bir müddətdən sonra yanğın söndürülüb.
Yanğın nəticəsində xəsarət alan olmayıb. Olay yerinə Sumqayıt şəhər İcra Hakimiyyətinin rəhbər şəxsləri də gəliblər.
İlkin məlumata əsasən, "Bərəkət” marketdə baş vermiş yanğın nəticəsində ümumi sahəsi 1200 kvadratmetr olan üçmərtəbəli binanın dam örtüyü və 3-cü mərtəbəsinin yanar konstruksiyaları 640 kvadratmetr sahədə yanıb.
Yanğının baş vermə səbəbi aparılan araşdırmalardan sonra məlum olacaq.
Xəbərdən istifadə edərkən istinad etmək vacibdir.
