Abşeron rayonunda ölümlə nəticələnən yol-nəqliyyat hadisəsi baş verib. 
1987-ci il təvəllüdlü Abdullayev Filman Hüseyn oğlu magistral şosenin piyadalar üçün müəyyən edilməmiş hissəsindən keçərkən onu Orxan Məmmədovun idarə etdiyi 10-VT-321 dövlət qeydiyyat nişanlı "Mercedes" markalı avtomobil vurub. Yaralı təcili yardım vasitəsilə xəstəxanaya aparılarkən yolda dünyasını dəyişib.
O.Məmmədovun "Report"un hadisə yerində olan əməkdaşına verdiyi məlumata görə, piyada qəfil onun idarə etdiyi avomobilin qarşısına çıxıb.
Sürücü hadisə yerinə gələn polis əməkdaşları tərəfindən saxlanılıb. Avtomobili isə cərimə meydançasına yerləşdirilib.
Faktla bağlı avtotexniki ekspertiza təyin edilib. Cinayət işi başlanılıb.

(Report)

Xəbərdən istifadə edərkən istinad etmək vacibdir.