Azərbaycan Ordusunun əsgəri yanıq xəsarətləri alıb.
APA-nın məlumatına görə, hadisə Müdafiə Nazirliyinin cəbhə bölgəsində yerləşən hərbi hissələrdən birində qeydə alınıb.
Hərbi hissənin əsgəri Vüqar Mayis oğlu Qələbəgiyev hamamın sobasını yandırarkən üzərinə od sıçrayıb. Nəticədə bədinin müxtəlif nahiyələri yanan əsgər xəsarətlərlə hospitala yerləşdirilib.
Müdafiə Nazirliyinin mətbuat xidmətindən faktı təsdiqləyiblər.
Bildirilib ki, Silahlı Qüvvələrin baş mütəxəssisləri əsgərin müalicəsi ilə məşğuldur.
Faktla bağlı araşdırma aparılır.
Xəbərdən istifadə edərkən istinad etmək vacibdir.
