Az öncə Bakının Novxanı çimərliyində faciəvi hadisə baş verib. Hadisə şahidlərinin verdiyi məlumatına görə, çimərlikdə çimən oğlan uşağı faciəvi hadisə nəticəsində xəsarət alıb, yaxınlıqda üzən qayığn pərləri onun üzünü parçalayıb. Qayığın Fövqəladə Hallar Nazirliyinə məxsus olduğu söylənilib.

Faciənin baş verməsi təsdiqlənib. Fövqəladə Hallar Nazirliyinin mətbuat xidmətindən verilən açıqlamada hadisənin gəzinti qayığı tərəfindən törədildiyi bildirilib. 

"Çimərlikdəki istirahət mərkəzlərindən birində dənizdə çimən uşaq qayıqla vurulub. Lakin qayıq Fövqəladə Hallar Nazirliyinin xilasedicilərinə aid olmayıb".

Uşaq təcili tibbi yardım həkimləri tərəfindən xəstəxanaya yerləşdirilib.

Faktla bağlı araşdırma aparılır. /ANS PRESS/