Xəbər verdiyimiz kimi, ötən gün axşam saatlarında Sumqayıtın 20-ci məhəlləsi, Kamran
Hüseynov küçəsində yol çöküb.
Həmin istiqamətdə avtomobillərin hərəkəti dayanıb və
alternativ yoldan istifadə edilir. Aidiyyəti qurumlar əraziyə baxış keçirib.
Yolun çökməsinə kanalizasiya borusunun partlamasının səbəb olduğu məlum olub.
Sumqayıt Sukanal idarəsinin
rəis müavini Qurban Mikayılov Xeberle.com-a açıqlamasında bildirib ki, magistral
yolun altından keçən və 1950-ci ildə istismara verilmiş və
istismar müddətini keçmiş 600 millimetr diametrli kanalizasiya borusu partlayıb
və bu da yolun dağılmasına gətirib çıxarıb: "Bu boruların 30-35 il ömrü var. Deformasiyaya
uğrayıb, bunlar dəyişilməlidir. Ümumiyyətlə şəhərdə belə çətinliklərimiz var. Bu küçədə
bir neçə il bundan qabaq da yol çöküb. Yaxın zamanda yaranan problem
aradaqn qaldırılacaq və avtomobillərin hərəkəti
bərpa olunacaq.”
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
