Müdafiə Nazirliyi ötən gecə cəbhədə baş verən şiddəli atışmalar zamanı 8 hərbçimizin şəhid olması haqda mətbuatda yer alan xəbərlərə aydınlıq gətirib.

Nazirliyin mətbuat xidmətinin əməkdaşı İsa İsmayılovun AzVision.az-a verdiyi məlumata görə, deyilələr həqiqəti əks etdirmir.

“Nazirliyin rəsmi saytında bu barədə məlumat yerləşdirilib. Ona qalsa 11 hərbçinin şəhid olduğunu yazıblar. Saytımızda rəsmi məlumat verilib. Bütün mətbuat ona istinad edib yazmalıdır. Hazırda dəqiqləşdirmələr aparılır. Əgər yeni məlumat olarsa saytımızda məlumat yerləşdiriləcək”.

Qeyd edək ki, APA-nın yaydığı məlumata görə, cəbhədə baş verən atışma zamanı 8 hərbçimiz şəhid olub.