“Ermənilər Ağdamda işğal altında olan cəbhəyani ərazilərimizi yandırırlar”.

Bu məlumatı Hafta.az-ın Ağdama ezam olunmuş əməkdaşı Sultan Laçın verib. Ön cəbhədə olan əməkdaşımızın verdiyi məlumata görə, hazırda mövqelərimizdən düşmənin  törətdiyi yanğınlar açıq-aydın görünür:

“Ağdamın Çıraqlı kəndində gecə saatlarında kiçik fasilələrlə atışma oldu. Ancaq hələ ki, düşmən tərəfində nisbi sakitçilikdir. Ağdam sakinlərinin sözlərinə görə, ermənilər əsasən gecə saatlarında atəşkəsi pozurlar. Bu gün də gecə saat 2:30-dan 5:00-a düşmən kiçik fasilələrlə mövqelərimizi atəşə tutublar. Cavab atəşi ilə düşmən susdurulub”.

Əməkdaşımız bildirib ki, mediada yayılan bəzi xəbərlər əsassızdır:

“Mətbuatda kəndlərin boşaldılması ilə bağlı yayılan xəbərlər tam əsassızdır. Biz rayonun içərisində ön xəttə qədər irəlilədik. Bütün kənd sakinləri yerlərindədirlər”.

Qeyd edək ki,  Ermənistan tərəfi artıq 4 gündür  atəşkəs rejimini kobud şəkildə pozaraq, üzbəüz mövqelərimizi atəşə məruz qoyurlar.