Xəzər dənizinin Sumqayıt hissəsində boğulan 1999-cu il təvəllüdlü Baxşızadə Hakim Hatəm oğlu Bakı Dövlət Universitetinin (BDU) Ekologiya və torpaqşünaslıq fakültəsinin tələbəsi olub.
Bu barədə Unikal.org-a BDU-dan məlumat verilib.
Hadisə zamanı, ümumilikdə, 4 nəfər boğulma təhlükəsi ilə üzləşib. 2000-ci il təvəllüdlü Hüseynov Fərid Ələddin oğlu və 1999-cu il təvəllüdlü Baxşızadə Hakim Hatəm oğlu boğulub. Digər iki nəfər isə xilas edilib.
xxx
Xəzər dənizinin Sumqayıt hissəsində boğulan gənclərin hər ikisi tələbə olub.
Xeberle.com Report-a istinadən xəbər verir ki, hadisə ötən gün baş verib.
Belə ki, Cəlilabad rayonu, Uzuntəpə kənd sakinləri - 2000-ci il təvəllüdlü Hüseynov Fərid Ələddin oğlu və 1999-cu il təvəllüdlü Bağırzadə Hakim Hatəm oğlu dənizdə çimərkən boğulublar.
Onların meyiti FHN-in dalğıc-axtarış qrupu tərəfindən sudan çıxarılaraq yaxınlarına təhvil verilib.
Hər iki şəxsin bu il Sumqayıt Dövlət Universitetinə qəbul olunduğu deyilir. Bildirilir ki, onlar sentyabrın 14-də yeni dərs ilinin başlaması ilə əlaqədar olaraq Cəlilabaddan Sumqayıta köçüblər.
Məsələ ilə bağlı Sumqayıt Dövlət Universitetinin Mətbuat katibi Nazxanım Cəlilli ilə əlaqə saxladıq. Mətbuat katibi facəvi şəkildə dünyasını dəyişən tələbələrin SDU-nun tələbəsi olmadığını bildirdi: "Məlumat həqiqətəuyğun deyil, boğulan tələbələr bizim tələbələr deyil".
Xəbərdən istifadə edərkən istinad etmək vacibdir.
