Əhmədova bir müddət öncə “Adam içində” verilişindən kömək istəyib.
Avqustun 13-də Sumqayıtda Aysel Əhmədovanın 2 aylıq körpəsinin naməlum şəraitdə oğurlanması ilə bağlı yeni məlumatlar yayılıb.
Teleqraf.com-un əldə etdiyi bilgilərə görə, Aysel Əhmədova bir müddət öncə körpəsini dünyaya gətirmək üçün teleaparıcı Elgiz Əkbərin ANS kanalında yayımlanan “Adam içində” verilişindən kömək istəyib.
Həmin proqramın sayəsində qadına müəyyən maddi yardımlar göstərilib. O da məlum olub ki, 2 aylıq körpəni oğurlayan qadın da “Adam içində” verilişində iştirak etmək istəyib. Amma şəxsiyyət vəsiqəsi üzərində olmadığı üçün ANS-in binasından içəri buraxılmayıb.
Hazırda uşağın tapılması istiqamətində əməliyyat-axtarış tədbirləri davam etdirilir.
Oxu.Az Aysel Əhmədovanın “Adam içində” verilişindəki çıxışının videosunu təqdim edir.
Xəbərdən istifadə edərkən istinad etmək vacibdir.
