Sumqayıt şəhəri "Əşya
bazarı" yaxınlığında yerləşən iri və
xırdabuynuzlu heyvanların satışının həyata keçirildiyi bazarın söküntüsünə
başlanılıb.
Xeberle.com-un məlumatına
görə, uzun illərdir Sumqayıtda fəaliyyət
göstərən ticarət obyekti ləğv edilib və
bazarın şəhərin Metallurq küçəsində boş ərazilərdən birinə köçürülməsi qərara
alınıb.
Qeyd edək ki, bazar ərazisində acınacaqlı vəziyyət, antisanitariya hökm
sürürdü. Ətrafa yayılan üfunət qoxusu burada yaşayan və əraziyə yaxın yerlərdə
çalışan sakinləri daim narahat edirdi. Nəhayət bugünlərdə bazarın köçürülməsinə
qərar verilib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
