Sumqayıt şəhəri ərazisində baş verən yol qəzası ölümlə nəticələnib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə avqustun 27-də saat 14:00 radələrində Sumqayıt şəhəri ərazisində baş verib.

Belə ki, şəhər ərazisində Köhnə Kotec qəsəbə sakini Aslan İbrahimovun idarə etdiyi "Hyundai" və Neftçala rayon sakini Nurlan Manafovun idarə etdiyi "Mercedes" markalı avtomobillər toqquşub. A.İbrahimov hadisə yerində ölüb.

Faktla əlaqədar Sumqayıt şəhər Polis İdarəsi tərəfindən araşdırma aparılır.