Müharibədə hər iki əl və ayağını itirmiş Qarabağ qazisi Elnur Əfəndiyev Leyla Əliyevanın ona bağışladığı əlil arabasının təmirinə pul tapmadığına görə yandırıb. O, Azərbaycan Respublikasının Əmək və Əhalinin Sosial Müdafiəsi Nazirliyinə, həmçinin digər əlaqədar qurumlara video müraciət edərək bildirib ki, əlil arabası onun əli və ayağı olub. Lakin platası yandığı üçün artıq 1 ildir ki, həyətinin bir küncündə qalıb. Platanın təmiri mümkün deyilmiş. Təzəsinin qiyməti 2500-3000 manat arası dəyişir ki, bu da qazinin 2-3 illik təqaüd pulu edir. Elnur Əfəndiyev hazırda əyləşdiyi əlil arabasının idarəsinin isə onun üçün çox çətin olduğunu bildirib."

O, Azərbaycanda əxlaqsızlıq yuvalarının, restoranların açılmasındansa, elektron  əlil  arabalarının, arabaların aksesuarlarını ehtiyat hissələrini, elektron protezləri hazırlayan mərkəzlər tikilməsinin vacibliyini deyib: "Biz əlilləri də nəzərə alın. Mən bu xəstəliyi anamın qarnında, yaxud yol qəzasında qazanmamışam. Bu əlilliyi 17 yaşımda Ağdamda ermənilərlə üz-üzə döyüşdə qazanmışam. Ay bədbəxtlər, bizi də bir düşünün. Mən 2000 manatı hardan tapım?»

Bu sözlərdən sonra Qarabağ qazisi arabasına od vurur və deyir ki, "bu platanı Leyla xanımdan hədiyyə saxlayıb şəxsi kolleksiyalarımın arasına qoyacam".

Həmin kadrları təqdim edirik.(faktxeber.com)