Dünyaca məşhur "Nirvana” qrupunun vokalisti Kurt Kobeynin heç yerdə yayımlanmamış müsahibəsi ortaya çıxıb.
Xeberle.com publika.az-a istiadən xəbər verir ki, Kobeyn bu müsahibəsində "ağdərili insanlar rep oxumamalıdır” sözlərini işlədib.
Kobeynin ilk dəfə gün üzünə çıxan müsahibəsi 20 sentyabr 1991-ci ildə Kanada Universiteti tələbəsi olan musiqiçi Roberto Lorusso tərəfindən universitetin radiosu üçün alınıb.
Məşhur müsahibədə aktivist rep qrupu "Consolidated”lə bağlı bu sözləri deyib:
"Mən rep dinləməyi sevirəm. Ancaq bu qrupun böyük qismi qadın düşmənidir. Ona görə də onları dinləyə bilmirəm. Bununla belə, orijinal musiqi ərsəyə gətirirlər. Ancaq ağdərili insanların rep oxuduğunu görmək... onları rəqs edərkən seyr etmək... Biz rəqs edə bilmirik, biz rep oxuya bilmirik”.
Qeyd edək ki, Kurt Kobeyn 1994-cü ildə intihar edib.
"Nirvana” isə sadəcə ABŞ-da 25 milyon nüsxə albom satıb. Dünya miqyasında bu rəqəm 50 milyonu ötüb.
Xəbərdən istifadə edərkən istinad etmək vacibdir.
