Sumqayıtda
qadın abort zamanı dünyasını dəyişib.
Xeberle.com-un əldə etdiyi məlumata görə, hadisə fevralın 16-da şəhərin Hacı Zeynalabdin qəsəbəsində
yerləşən 3 saylı xəstəxanada baş verib. Bildirilir ki, 5 aylıq hamilə olan 1978-ci il təvəllüdlü Nuriyevə Çinarə Yadulla qızı abort üçün xəstəxanaya müraciət edib. Sözügedən
xəstəxanaya Sumqayıt şəhər 3 saylı qadın məsləhətxanasının həkimi Gülnarə Təkləvi
gəlib və qadını abort edəcəyini boynuna götürüb. Nəticədə iki uşaq anası olan Ç. Nuriyeva əməliyyat masasında
dünyasını dəyişib. Həkim G. Təkləvi bu hadisədən affekt vəziyyətinə düşüb, canına qəsd
etməyə cəhd edərək qollarını doğrayıb. Həkim
xəstəxanaya yerləşdirilib.
Sumqayıt Səhiyyə
şöbəsinin müdir əvəzi Səkinə Sadıxova Xeberle.com-a açıqlamasında faktı təsdiq edib: "Hadisə fevralın 16-da axşam saatlarında olub.
Birbaşa hüquq mühafizə orqanlarının müşayiəti ilə mərhumun nəşi Bakıda Məhkəmə Tibbi Ekspertiza və Patoloji Anatomiya Birliyinə aparılıb. Ekspertizanın rəyindən sonra qadının ölüm səbəbləri
məlum olacaq”.
S. Sadıxova
həkimin özünə xəsarət yetirməsi xəbərinə isə belə reaksiya verib: "Bu barədə
heç bir məlumatımız yoxdur. İlkin olaraq ola bilər ki, nə isə baş verib. Lakin
bu barədə bizə heç bir məlumat verilməyib".
Aldığımız məlumata görə, həmin şəhər xəstəxanasında abort etmək qadağan olunubmuş.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
