Xəbər verdiyimiz kimi, Moskvanın "Şeremetyevo” Hava Limanında "Aeroflot” şirkətinə məxsus "SSJ-199” sərnişin təyyarəsinin eniş zamanı yanması nəticəsində qəza baş verib.
Xeberle.com Rusiya KİV-nə istinadən xəbər verir ki, qəzanın baş verməsi ilə əlaqədar müxtəlif fikirlər irəli sürülür. Rusiyalı eskpert Alfred Malinovskinin sözlərinə görə, təyyarənin qəza enişi etməsinə səbəblərdən biri pilot kabinələrinin tüstülənməsi olub.
"Təyyarəni ildırım vurması mümkündür. Onun nəticəsində yanğın baş verib. Ola bilər ki, elektrik naqilləri alışıb. Tüstülənən kabinələr pilotlara yeri görmədə problem yaradıb”, -deyə, ekspert bildirib.
Xatırladaq ki, ən son məlumata görə, baş vermiş qəza nəticəsində ölənlərin sayı 41 nəfərə çatıb.
Xəbərdən istifadə edərkən istinad etmək vacibdir.
