Mebel ustası dələduzluq edib.
Bu barədə Xeberle.com-a Bakı şəhəri, Qaradağ rayon Sahil qəsəbəsinin sakini Ayaz Ağayev məlumat verib. A. Ağayev bildirib ki, Sumqayıt şəhər 9-cu mikrorayon sakini, mebel ustası Müzəffər Əmrahov bir müddət bundan öncə ondan sahibi olduğu sexi icarəyə götürərək fəaliyyət göstərib: "O, Sahil qəsəbəsində mebel düzəltmək adıyla bir neçə nəfər şəxsdən müxtəlif məbləğlərdə beh pul alıb. Tanıdığım şəxslərin 100, 120, 150, 300 manatını və 600 manatlıq telefonunu mənimsəyib. Material almaq adıyla sexin açarının yaxınlıqdakı ərzaq dükanına qoyaraq çıxıb gedib. Mobil nömrəsini isə söndürərək Müzəffər Əmrahov yoxa çıxıb. Məcburiyyət qarşısında qalıb Sumqayıtda evlərinə də getmişəm. Atası bildirib ki, Müzəffər 3 ildir evlərinə gəlmir".
Şikayətçi deyir ki, mebel ustasının aldatdığı qəsəbə sakinləri isə verdikləri pulları ondan tələb edirlər.
Yaranan problemlə bağlı Qaradağ rayon Polis İdarəsinin 38-ci polis bölməsinə şikayət ərizəsi ilə müraciət edilib.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
