Sumqayıtda xəsarətlə nəticələnən yol-nəqliyyat hadisəsi baş verib.
Xeberle.com xəbər verir ki, qəza şəhərin Hacı Zeynalabdin qəsəbəsində qeydə alınıb.
"Volkswagen Passat" markalı avtomobilin sürücüsü idarəetməni itirərək, nəqliyyat vasitəsini yol kənarına aşırıb. Hadisə nəticəsində 3 nəfər müxtəlif bədən xəsarətləri alaraq xəstəxanaya aparılıb.
Yaralılar 1994-cü il təvəllüdlü Qarayev Ağaşirin Ələkbər oğlu, 2000-ci il təvəllüdlü Əliyev Əliəşrəf Həmid oğlu və 2002-ci il təvəllüdlü Şahverdiyev Seminar Azər oğludur.
Faktla bağlı araşdırma aparılır.
Xəbərdən istifadə edərkən istinad etmək vacibdir.
