Sumqayıt şəhərində işlədiyi klinikanın baş həkimini bıçaqlamaqda təqsirli bilinən Pərviz İbrahimovun cinayət işi üzrə ibtidai istintaq başa çatıb.
Xeberle.com xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Eldar Mikayılovun icraatına verilib. Məhkəmə hazırlıq iclası yaxın günlərdə keçirləcək.
Qeyd edək ki, hadisə bu ilin avqust ayında Sumqayıt şəhərinin 1-ci mikrorayonunda yerləşən "Sum Modern Dental Clinic”də qeydə alınıb. Orada həkim işləyən Pərviz İbrahimovla klinikanın baş həkimi Şahin Baxşəliyev arasında düşən mübahisə sonda qanla nəticələnib.
Belə ki, P.İbrahimov baş həkimin otağına gələrək onun qarın boşluğuna çox sayda bıçaq zərbələri endirib. Hadisəni törətməkdə şübhəli bilinən Pərviz İbrahimov polis əməkdaşları tərəfindən saxlanılıb. Ona qarşı Cinayət Məcəlləsinin 29.120.2.2 (qəsdən adam öldürməyə cəhd) maddəsi ilə ittiham verilib.
Xəbərdən istifadə edərkən istinad etmək vacibdir.
